今晚無啦啦又比屋企人話我搞環保太多，太沉迷。
每次比人話，一定唔高興，之後不歡而散，自己就冇心情做野，未做完ge野又堆到下一日，惡性循環。
其實講到尾，第一：怕我兼顧唔到，因為成日見我無厘精神，第二：冇錢仲要做餐死，比主席駛，係咪應該搵份part time？仲要日日駛屋企錢。
去到呢d位，即刻就真係想掉低晒d野之後話唔搞，因為真係極之吃力不討好，每日返學做學校野都用左我至少十個鐘，返屋企，抖兩抖食個飯開著部腦，check下e-mail，搞下d admin野，好快又兩三個鐘，仲要係好多野都係未完成，都已經點幾兩點，聽朝又要起身返學，日日都係咁。
而家放假，有時間真係訓覺多，因為由唔知幾時開始，訓極都唔夠，如果可以的話，真係有衝動一路訓落去。讀電影仲要搞環保，好多人都話我好勁，但係事實係，環保我係成日甩漏０個個，我完全冇沉迷過搞環保，呢一點絕對係對唔住綠領班同僚。
幾時都想做好d件事，可能因為我feel到真係有一team人work out緊一d野，唔係玩泥沙，但係問題係，我對自己屋企貢獻越來越少，精神上少，金錢是零。屋企唔鼓勵，電影未讀好，真係好冇心機做環保d野，呢排做d野，真係冇質素之餘仲得個拖字。
成日同人講話忙，好多野做，我好想有機會有人問我得唔得閒０個陣我會答：「得閒wor，有咩搞ar?」諗返其實做巴士司機都幾好，返工時間穩定，又唔駛咁多顧慮，最緊要小心，安全完成職務，咁又一day。唔係我幻想出０黎ga，係以前識得個司機，做到退休ge感想。
我搞咁多野，所為何事？
1 comment:
大家都很辛苦。事實上，這些說話我自小甚至30多歲仍聽不少，相信你也聽到過分享。過去十多年來亦可能問自己為了什麼，我有時都想找份朝九晚五/六的工，星期六日可去四處玩、無聊下。
實在不容易，十多年眼見不少人人來人去；別人會稱贊這班年青人，但背後的辛苦又有多少人知道。
金錢是一個可怕但又要面對的壞東西，其實以前也不錯，由零到零，不用多想也不用有任何期望，自己的學生年代都是這樣過。我、個會都好想有機會把金錢同大家分享，不但因為現在財政不健康、不持續，有時亦是有錢沒有時間去做。
無論每一個人係點想，每一個人最後去那發展，我都是希望可以傳承一些不可多得的經驗，就是日後不作環保，這些都一定是不可多得的經驗，在工作上，或在生命上。但是，No Plain No Gain，人活著沒有快餐，記得click這戲吧，所謂何事...你自己會有體會。
Post a Comment