正一好學唔學

我學識食煙。

點解食？因為跟crew拍戲，人人都cher煙，再加上以前食左十幾年二手煙，實在好想知有乜咁好食，結果我ge第一次就奉獻左比一支綠luck。

所謂學識食煙，其實係學識放d煙入口唔入肺（有人話冇分別），再噴返出０黎。其實真係冇乜特別，仲搞到自己臭到乜咁，而綠luck係薄荷煙，所以個口除左臭之外仲涼涼地，另外d煙仲會搞到口水分泌增加，當食完成支之後，把聲係會短暫性沙沙地，可能又因為我冇扯入肺ge關係，feel唔到佢ge化學作用（雖然有人話冇分別）。

如果大家都係二手煙ge受害者，親身試一手煙，感覺係比二手煙好，因為你扯入口０個下，係唔覺佢臭，反而係過後ge味道，同埋噴返出０黎係好x臭，所以你話食煙幾自私。

試就試過，市面有一個名詞叫social smoker，我諗如果真係要我食到ge話，都起碼識食lor，但係真係唔會再食，同埋奉勸而家d人唔好食咁多，食ge就唔該諗下自己食緊乜，$28包煙，得０個廿支，搵錢食完又要搵錢換返d健康。