Wall E and Get Smart

太耐冇update la，騎劫下自己0
係一個forum ge一個post當update la唯有。

Wall E

好多人都話比想像中冇咁好睇，我諗又要睇下你咩心境入去ge，不過我又好難再代入小朋友心境去睇wall E，但係如果以一隻四四方方ge機械人，能夠有咁多表情、咁多動作，仲識得鍾意人，其實我都覺得好正，相反劇情就輕描淡寫d，唔會有太多意想不到ge地 方，而相比起同期ge動畫，我諗我會買飛入場睇wall E先lor，用行動投票先ma。

Pixar的確好多佳作，做得好自然多期望，舊 年暑假套五星級大鼠真係唔錯，動畫做得好不在話下，連戲情都可以做到出人意表（其實睇戲駛唔駛下下追求呢樣野？），可能舊年好，今年來一套略嫌平淡ge wall E，唔知冇睇過五星級大鼠但係又有睇wall E ge觀眾會覺得點？

有一個問題後尾先諗到，就係點解wall E咁肯定Eve係女仔？都係唔好諗，一諗就冇晒幻想空間。

呢個段係後加ge，就係wall E其實係一套對白甚少ge電影，在對白主導ge電影年代，大家冇因為冇對白（同埋睇早場／睇兩次）而訓著，可想而知呢套電影畫面上ge功夫係做得幾高水準。

Get Smart

其實睇到咁上下就會諗到我地香港土砲之作﹣國產凌凌漆，呢套戲同get smart，取悅觀眾就會得罪好多人，國產凌凌漆得罪中共，get smart就大開俄國、特工、仲有美國總統玩笑。（仲有同性戀）

而 家一定冇人夠膽比錢再拍套類似國產凌凌漆題材ge電影，反而一d正面表揚愛國情懷電影就會有，大家有冇睇過老港正傳（2006年，趙良駿導演）？國產凌凌 漆時期就冇老港正傳呢類電影，台灣都有類似ge時期，當年國民黨退守台灣，人民情緒低落，再加上228事件，而經濟長時間依賴美國，為左挽救當年長期低落 ge民心，曾經有一段時期推出過一輪「健康寫實主義電影」，就係一d歌功頌德，過份地表現人性美好一面ge電影，電影就係有教化ge作用。

而 美國就仲容得下一套get smart，一d老生常談舉凡大美國主義，其實套套荷里活電影一定有呢d影子，揮之不去，冇咩好講。另外，我地成日都講潛意識，get smart就係不知不覺咁令到你笑一餐，然後又不知不覺咁灌輸一d提高自己，踩低人地ge意識比各位觀眾。電影就係有咁樣教化ge作用。

車， 玩下都唔得咩！我都完全唔覺，咁又係ar，睇０個陣真係諗住笑下算，even睇國產凌凌漆，真係笑到唔知去左邊，但係如果我地諗下自己笑緊乜，其實又真係 幾得人驚，而get smart既開人地玩笑，又開自己人玩笑，其實都幾精，如果諗導演佢點解要咁樣開人玩笑，唔多唔少都係出自自己ge想法，係d乜，不如大家又諗下。

如果get smart同國產凌凌漆比，sorry，get smart太多二手野，把萬用刀名都冇，點同攞你命3000鬥ar?haha。